White Cockade (Burns)
(Robert Burns)

My love was born in Aberdeen,
The boniest lad that e'er was seen,
But now he makes our hearts fu' sad,
He takes the Field wi' his White Cockade.

ch. O he's a ranting, roving lad,
He is a brisk an a bonny lad,
Betide what may, I will be wed,
And follow the boy wi the White Cockade.

I'll sell my rock, my reel, my tow,
My gude gray mare and hawkit cow;
To buy mysel a tartan plaid,
To follow the boy wi the White Cockade.

tune: The White Cockade (306)
ARB